Participación na XV Feira Matemática 2022

O sábado 30 de abril parte do alumnado do Club de Ciencias do IES María Casares participou na XV edición da Feira Matemática en Palexco, na Coruña. Alí amosaron os xogos do mundo que estiveron a investigar estas últimas semanas, tanto en material reutilizado como impresos en 3D.

Desde o stand animaron a xogar con eles a todos os que pasaron por alí, maiores e pequenos, que foron moitos. Así descubriron o dara, o felli ou o muíño e algúns marcharon con ganas de facelos na súa casa para seguir xogando.

Ademais Ana, Pandora, Vanesa, Raúl, Manuel e Sara tamén viron as actividades que realizaron outros centros, xogaron a unha pescuda do tesouro e a un bingo e mesmo Ana e Pandora foron entrevistadas en directo na retransmisión que se fixo en streaming desde a feira. Podes vela na ligazón (minuto aprox 1:19:20)

En resumo, unha xornada longa pero que tamén desfrutaron moito.

Comentarios

Entradas populares de este blog

Obradoiro EcoPrint con "Las Flores de Greta"

Os días 12 e 19 de maio tivemos a sorte de participar nun obradoiro de Ecoprint guiado polo equipo de "Las Flores de Greta". Durante estas xornadas, explicáronnos o proceso creativo desta técnica natural de estampaxe e acompañáronnos a recoller follas e flores polos arredores do IES. Fixemos unha pequena saída polo entorno e recompilamos unha gran variedade de elementos vexetais. Unha vez de volta no instituto, colocamos as nosas follas e flores sobre tecido de seda, creando composicións moi persoais e fermosas. O paso final foi enrolar os tecidos e entregárllelos ás monitoras para pasar pola máquina de vapor, onde permanecerían durante 24 horas para que a natureza deixase a súa pegada permanente. Na seguinte sesión do obradoiro, desenrolamos con emoción as nosas creacións… ¡e encantáronnos os resultados! Agora só quedaba fixar as cores, lavar e pasar o ferro, e xa tiñamos o produto final nas nosas mans. O ...

PARTICIPACIÓN EN GALICIENCIA

Ao longo deste curso os alumnos do Club de Ciencias Javier Docampo, Sara Mosteiro e Manuel Velasco estiveron desenvolvendo os proxectos "Aviones de papel" e "Cometas, más que un juego de niños" para presentar na feira científica Galiciencia que este ano 2023 tiña por temática Aeronautica e Aeroespacial. Finalmente foron seleccionados para presentalos de forma presencial do 10 ao 12 de maio en Tecnópole, Ourense. Aproveitando a feira, visitaron Ourense e participaron en varias actividades organizados en Tecnópole, incluindo o taller no simulador de voo da Aula Newton. Ademáis de aprender moito e pasalo estupendamente o proxecto "Cometas, más que un juego de niños" acadou o premio ao mellor proxecto englobado na temática deste ano. Pódense consultar os proxectos presentados nas seguintes ligazóns : https://galiciencia.com/es/ 2023/proyectos/32-aviones-de- papel/157139/ ; https://galiciencia.com/es/ 2023/proyectos/33-cometas-mas- que-u...

VOLVEMOS A DESFRUTAR DO CLUB DE CIENCIAS M CASARES Neste curso estamos a traballar con fractales. Estamos a construir unha árbore de nadal empregando como base o triángulo de Sierpinski. Si queres saber máis sobre este triángulo aquí tes un enlace que podes consultar. En canto o teñamos rematado mostrarémolo. Para adornar esta árbore os alumnos deseñan adornos que logo imprimimos en 3D. Aquí uns exemplos:

Club Ciencias IES María Casares

Buscar este blog