Roteiro matemático pola Coruña

Roteiro matemático pola Coruña: descubrir a cidade con outros ollos.

Este trimestre tivemos a sorte de contar con Pilar García Agra, membro de AGAPEMA, que nos acompañou nun roteiro matemático pola Coruña. Grazas a ela puidemos mirar a cidade dun xeito completamente diferente: con ollos matemáticos.

A actividade converteuse nunha viaxe chea de descubrimentos, xogos e observacións que nos fixeron entender que as matemáticas non están só nos libros: están nas rúas, nos edificios, nas prazas e mesmo nas escaleiras.

A igrexa de Santiago: xeometría en pedra.

A primeira parada foi a igrexa de Santiago, no corazón da Cidade Vella. Alí identificamos:

• Arcos de diferentes tipos na fachada principal.

• Formas xeométricas nos capiteis e nos detalles decorativos.

• Simetrías e repeticións propias da arte románica.

Subindo escaleiras… xogando coas sucesións

Nun dos tramos de escaleiras da zona vella, Pilar propúxonos un reto: relacionar os chanzos coas sucesións numéricas

• Contamos pasos

• Buscamos patróns

• Identificamos sucesións crecientes e regularidades

Un xeito perfecto de demostrar que as matemáticas tamén se poden caminar.

Praza da Constitución e praza de Azcárraga: proporción áurea na cidade

Nas prazas da Constitución e de Azcárraga fixemos unha das descubertas máis sorprendentes:

No edificio de Capitanía, atopamos o rectángulo áureo, unha proporción presente na natureza, na arte e na arquitectura.

A altura da bandeira: aplicando o Teorema de Tales

Un dos momentos máis divertidos e “científicos” da visita foi na Torre da Vixilancia, onde nos plantexamos unha pregunta:

Canto mide o mastro da bandeira?

Non tiñamos unha cinta métrica de 20 metros, pero si tiñamos algo mellor: o Teorema de Tales.

Aplicamos o método clásico:

• Medimos a nosa sombra

• Medimos a sombra do mastro

• Fixemos a proporción

• E calculamos a altura real

Un exercicio sinxelo, práctico e perfecto para demostrar que as matemáticas serven para resolver problemas reais.