O noso Roteiro Matemático: buscando lugares, creando retos e gravando vídeos

 

No Club de Ciencias puxémonos un reto apaixonante: crear o noso propio paseo matemático polo IES. A idea era descubrir que as matemáticas non están só nos libros, senón tamén nos corredores, nos patios e en cada recuncho do centro.

 Exploración polo IES: atopando matemáticas en todas partes

Percorremos o instituto con novos ollos, buscando espazos que agochasen oportunidades matemáticas. E atopámolas por todas partes:

• Na entrada, o ta
  
  
  boleiro de xadrez inspirou a sucesión de Fibonacci
• 
  No aparcadoiro, calculamos canta pintura se necesita para repintar as liñas.
• 
  No patio interior, determinamos cantas baldosa
  s fan falta para cubrir a superficie.
• No horto, medimos o volume de terra dun bancal e a área dunha leituga.
• Na pista deportiva, aplicamos o teorema de Tales para calcular a altura da canastra.
• E xa que estabamos alí, calculamos tamén a área do campo de fútbol e as coordenadas do punto medio.
  

Cada lugar converteuse nun pequeno laboratorio matemático.

Deseño dos problemas e creación dos carteis

Unha vez escollidos os espazos, formulamos os retos matemáticos e deseñámolos en Canva, creando carteis claros, atractivos e pensados para que calquera estudante poida deterse e poñerse a pensar.

Gravación dos vídeos con croma

Para acompañar cada punto do paseo, gravamos vídeos explicativos usando pantalla verde.

Despois substituímos o fondo polo póster de Canva, de maneira que parecemos estar dentro do propio cartel.

Códigos QR: un paseo interactivo

Cada cartel leva un código QR que enlaza co vídeo correspondente.

Así, quen faga o paseo pode:

1. Ler o reto
2. Pensar a solución
3. Escanear o QR
4. Ver o vídeo explicativo

Un paseo matemático moderno, interactivo e totalmente creado polo alumnado.